أنا:- فى إيه.. فى إيه؟!
الضيوف:- إيه ده.. إيه ده؟!
أنا:- فى سرى "هو أنا نسيت ألبس هدومى... يافضحيتى!"
الضيوف:- هو انت سايب ذقنك ليه؟!
أنا:- فى سرى "أه ياولاد التيت.. خضتونى!"
عاااادى يعنى أنا بحلقها كل اسبوعين!
الضيوف (كبيرهم):- أصله يميل للإخوان!
أنا:- عادى يعنى مش شرط، ما الحشاشين والبلطجية بتربى ذقنوهم!
الضيوف (كبيرهم):- أه بس هما هيسيبوا البلطجى لأنه فاحش وداعر إنما الملتزم هيتقبض عليه!
أنا:- فى سرى "ثوانى كدة مين قالكوا أننا ملتزم... أنا فاحش وداعر فى طريقى لكفاح نفسى والشيطان"!
الضيوف (كبيرهم):- دلوقتى معدتش حد بيميز كله بيتاخد العاطل فى الباطل... فانت كدة بكرة تحلق ذقنك أحسن.
أنا:- حاضر من العين دى قبل العين الثانية!
________________________________________________
ملحوظة:-
- أنا كدة على طول.. أنا مش إخوانى، أنا هندى
- وهذا هو الحال بين أبى وأمى... وهذا هو الحال فى شغلى، وخاصة بعد ما بقوا يقفشوا فى الإخوان! مفترض أنه من السُنة تربية الذقن، إنما العكس يحدث نحلق الذقن ونترك أماكن آخرى دون حلق!
ههههههههههه ربنا معاك معلش فترة وهتعدي
ردحذفواخيرا مدونتك فتحت معايا كل مرة تفتضل تحمل وفي الاخر ازهق واقفل :)