حوليات جبريلية

علاقتي بالرسم.... هو غالبًا ما فيش أي علاقة! بس أنا فاكر مدرسة الرسم بتاعتي في إعدادي الله يمسيها بالخير، كانت رفيعة جدًا.... كانت بتطلب مننا نرسم قاع البحر، وفانوس رمضان! أما أنا بقى رسمتى المفضلة منزل على الشاطئ والحقيقة ماكنش يتخير عن البتاع اللي في الصورة فوق ده! أمي بقى كانت تقعد جنبى وترسملي؛ أه أصل كنا بنكمل الرسمة في البيت.... أمي بارعة في رسمة قاع البحر، والحقيقة أمي رسمة لكل أخواتي نفس الرسمة، أستطيع أن أسميها بالرسمة العائلية! وتسألني المدرسة في الحصة اللي بعدها "إنت اللي رسمها؟" أقولها "أه أنا"! أنا ندمان جدًا إني فرط في الرسمة دي وسيبتها تاخدها... كلما أتذكر هذه اللحظات التي تجمعنا بأمي، أقول يا خسارة مضى عهد البراءة! ـــــــــــــــــــــــــــــــــــــــــــــــــــــــــــــــــــــــــــــــــــ اللوحة لجاذبية سري.....