ذكريات مدرسية

عموماً المدرسة ليست شيئاً جميلاً فى مصر  ، بدءاً من الحضانة 

وانتهاءاً بالمرحلة الثانوية !

هذا من الناحية التعليمية بالطبع، أما من الناحية الإجتماعية فحدث ولا حرج

بدءاً من يوم دخولك الحضانة وبكاءك الذى لا ينقطع

والناس كلها عمالة تلاعب فى سعتك وانت مش راضى تسكت !

ولا يا سلام على أصدقاءك، لما تقابلهم بالصدفة بعد سنين طويلة 

وتلاقى كل واحد فيهم مثل الباب، وأنت كنت الأكبر حجمًا فى الماضى 

أصبحت أصغرهم و أسمنهم ( قليلاً )!

فى الإبتدائى

 أصحابك الرذلة السخفة البلطجية،

أحدهم يعضك والأخر يغرس سن قلم الرصاص فى دماغ أحدهم!

ولا ردة فعلك عندما يُضرب صديق لك، وتروح تدافع عنه وتضرب المعتدى

عليه بالشلوت حتى ولو كانت بنتاً!

يا سلام على الابتدائي أول لمسة يد من بنت، وهي بتقولك "هات أما أكتبلك لأن خطك وحش"!
ولما أنزل أجيب القلم من على الأرض و"الدكة" قدامي كلها بنات*، وألاقي خيط على شكل حشرة وأزعق فيهم وأقولهم "برص... برص" وينطو كلهم من على الدكة زي اليويو!

فى الإعدادى

لما مدرس غتت  يضربك لأنك بتضحك !

ولما تكون بتتخانق مع حد وتخبط دماغه فى زجاج الشباك !

فى الثانوى لا أحداث تذكر،

غير الضغط الكثيف ذاكر.....ذاكر....ذاكر...ذاكر

ــــــــــــــــــــــــــــــــــــــــــــــــــــــــــــــــــــــــــــــــــ

* اعتراف صغير.... هو الحقيقة أنا كنت قاعد قدام، بس رجعت ورا عشان أقعد مع         صحابي....