التخطي إلى المحتوى الرئيسي

الفول


هل نحن الشعب الوحيد الذى يأكل الفول بكل أنواعه وطباخته، أم أن هناك شعوب آخرى تعشقه مثلنا؟!
كل بروتين وإلعب فى الطين!
شخصيًا أنا ممكن آكل الفول 7 مرات فى الأسبوع! بزهق أكيد، لدرجة إنى ممكن نفسى تعافه ولكنه بيصعب عليا فبرجعله بعد دقيتين!
أكل فول و أخرج قفاي عرض و طول، ولا آكل كباب ووقفة الديانة ورا الباب!
أردب فول و لا أردب شعير!
إدمان ممكن! خاصة فى إنه بعض الناس فى إمكانها تغيير نوع الأكلة وما بتغيرهوش، بيصبح الأمر عادة تدريجيًا... المصرى طول عمره قاعد جنب غيطه، يعنى جنب أكله وشربه.. من الآخر بنكره التغيير، بيبقى صعب وقاسى!
وخاصة على أصحاب السلطة والقوة، شايفين إنها بلد وسية! نفتكر إننا بنى آدمين فى ثانية وباقى عمرنا ننسى، ألسنا إنسان!
إحنا من النوع اللى بيبلع مش بينسى، يمكن لأننا نربى الحيوانات المجترة! بنبلع وبعدين نفكر ونتذكر، والفول بقى من النوع الثقيل الراسى يخليك تفحت وتفحت لحد ما تطلع جاز، بس على بال ما تهضمه يكون الجاز اتسرق منك!

التسميات:

تعليقات

إرسال تعليق

انقدنى ولا تبالى!

المشاركات الشائعة من هذه المدونة

يا رفاق

حصاد عام ميلادى، ونصف عام تدوينى! عام ميلادى جديد سعيد رهيب مخيف عجيب... إلخ طبعًا أنا من الناس اللى على المستوى الشخصى مملة جدًا، فلا فرق بين سنة 2013 و14 بالنسبة لى... قلت هذا سابقًا فى بدء السنة الهجرية! بداية سنة 14 على المستوى العام مشحونة شحن... خد عندك يا سيدى الحد الأدنى والأقصى فى يناير، مرتبات المعلمين الجديدة فى يناير (1300 جنيه، ياه كان نفسى أصيف فى سويسرا)، تثبيت المتعاقدين فى يناير، تعيين أوائل الخريجين فى يناير، استفتاء ع الكستور فى يناير، الذكرى الثالثة للمؤامرة الماسونية على مصر 25 يناير (ده عشان الرقيب بس)، الذكرى الواحدة والستين لرجال واجهو الاستعمار فى لقطة ما ويبدو أن الطمع غلب فطرتهم بعد ذلك! سنة 13 دى أقدر أقول عليها سنة بكيسة قووووى، تلقيت فيها خيبات سياسية لم أكن متخيلًا أنها ستحدث بهذا الغباء الممنهج! سنة وراء سنة... أدركت أن هذا الشعب العظيم لا يستطيع أن يصرف أموره إلا بأكثر الطرق إلتواءًا! نصف عام تدوينى، بوم بوم.... طق طق... فوووووق هناك سنة ميلادية وسنة هجرية وسنة صينية وسنة تدوينية أيضًا! السنة التدوينية تبدأ من شهر 7 وتنتهى فى شهر سبعة،...
10 تعليقات
قراءة المزيد

منار 2

  منار لا تنتظرى أحدًا فالجميع لا يعطى لك إعتبار!                             منار لا تنظرى فى صفحة الماء وجهك الغض جثمت عليه السنون هتك براءته البنون. أطللت بوجهك على الماء؟! رويدًا...رويدًا يا فتاة ، أتقولين: لا ماء ولا حياء إذن لا حياة؟! ولا تركة ولا تكية يتصارعون عليها إلا: غصة فى الحلق ثورة كالزورة فى الحنجرة بغضاء فى القلب حقد وغضب فى النفس لا تطفئه قبلة  ولا صفعة! منار الوقت ذهب ولن تجدى وقفتك هذه رجل تتقدم والآخرى تتقهقر هذا ليس فعل النساء فالزرقاء مبصرة وخديجة حاضنة وعائشة فتاة والخنساء مضحية والزباء داهية ألا هبى يا ورقاء اصلبى عودك الفتان واختار ماشئت وددقى...وتدللى ولا تترفقى فكلنا فى الرغبة والحب سواء جئناك طوعًا... أو كرهًا نحن شببنا على هواك! ألا هبى وتناسى دورة الدماء نحن صور، أنت الأصل وخذى شهيقًا  واصرخى......
6 تعليقات
قراءة المزيد

تشب شاى

تقريبًا المدرسين بيروحوا المدرسة لحاجتين يشربوا شاى وياكلوا! تشب شاى أنا بقى من النوع اللى ما بيشربش شاى؛ ولى أسبابى: الأول: أنا اتعودت ع كدة لا اكل ولا اشرب طول ما انا برة البيت، الثانى: منظر الكوبايات اللى بيشربوا فيها مؤرف غاية القرف... يع.. يع فعلًا، الأخير: أنا لا أفضله كمشروب والحكاية مش مستاهلة أساسًا، واليوم خلص! تشب شاى تجد من يسمعها لك أينما ذهبت وحللت فى جميع أرجاء المدرسة، شئ مفروض. يااااه ما بتشربش شاى، ليه صايم.. بخيل.. ماما قالتلك ماتشربش حاجة من بره! تشب شاى أما انتوا عالم رخمة!
5 تعليقات
قراءة المزيد