التخطي إلى المحتوى الرئيسي

هذاء

يسقط... يسقط.. يسقط حكم العسكر... يسقط كل كلاب العسكر...
- اتفرج ياعم أدى كلاب الإخوان عاملين مظاهرة، ماشى!
- ألو، ازيك ياباشا.. والله احنا قافلين علينا المدرسة... وشوية كلاب إخوان عاملين           مظاهرة بره!
- الباشا: عددهم كام.. حد شافهم؟
- لا أنا مبصتش، استنى أسألك
  أيوة اندهلى كدة فلان.. عددهم كام كدة؟
 - فلان: حوالى ثلاثين!
- أيوة ياباشا عددهم ثلاثين
- الباشا: طيب أنا جايلك أهو!
تاااااااكس.... تاكس
- السواق: على فكرة اقسم بالله أنا شفت عيال ميتة جوه الجامعة، والعيال عمالة تموت       بعض والشرطة واقفة تتفرج!
  طب انت عارف اقسم بالله كنت بتفرج على بتوع محمد محمود امبارح، لقيتلك واحد       اقسم بالله ماسكلك رشاش اقسم بالله إخوانى وعمال يضرب فى الناس!
- الراكب: طب أنا شفت على التلفزيون عساكر لسة ميتة الصبح، هو مافيش ألا العساكر  هى اللى بتموت ما فيش ظباط؟!
- السواق: طب انت عارف اقسم بالله، قريبى بيحكيلى بيقولى إن البلطجية دخلوا المدرج   اقسم بالله بالسنج والمطواى عشان ياخدوا العيال الطلبة والشرطة بتتفرج!
  طب إنت عارف اقسم بالله إن أمين شرطة صاحبى فى رفح بيقولى حبسينا ومش           راضيين ينزلونا أجازات!
  طب إنت عارف أنا شفت الواد الميت فى حادثة القطر، أقسم بالله قعدت أعيط....
  طب أنا مش عارف هو حجته كانت مرسى، يعنى هو دلوقتى مش عارف يلم شوية       البلطجية اللى فى الشارع دول؟ الناس بتموت؟ مش عارف يحمى شعبه؟!
التسميات:

تعليقات

إرسال تعليق

انقدنى ولا تبالى!

المشاركات الشائعة من هذه المدونة

يا رفاق

حصاد عام ميلادى، ونصف عام تدوينى! عام ميلادى جديد سعيد رهيب مخيف عجيب... إلخ طبعًا أنا من الناس اللى على المستوى الشخصى مملة جدًا، فلا فرق بين سنة 2013 و14 بالنسبة لى... قلت هذا سابقًا فى بدء السنة الهجرية! بداية سنة 14 على المستوى العام مشحونة شحن... خد عندك يا سيدى الحد الأدنى والأقصى فى يناير، مرتبات المعلمين الجديدة فى يناير (1300 جنيه، ياه كان نفسى أصيف فى سويسرا)، تثبيت المتعاقدين فى يناير، تعيين أوائل الخريجين فى يناير، استفتاء ع الكستور فى يناير، الذكرى الثالثة للمؤامرة الماسونية على مصر 25 يناير (ده عشان الرقيب بس)، الذكرى الواحدة والستين لرجال واجهو الاستعمار فى لقطة ما ويبدو أن الطمع غلب فطرتهم بعد ذلك! سنة 13 دى أقدر أقول عليها سنة بكيسة قووووى، تلقيت فيها خيبات سياسية لم أكن متخيلًا أنها ستحدث بهذا الغباء الممنهج! سنة وراء سنة... أدركت أن هذا الشعب العظيم لا يستطيع أن يصرف أموره إلا بأكثر الطرق إلتواءًا! نصف عام تدوينى، بوم بوم.... طق طق... فوووووق هناك سنة ميلادية وسنة هجرية وسنة صينية وسنة تدوينية أيضًا! السنة التدوينية تبدأ من شهر 7 وتنتهى فى شهر سبعة،...
10 تعليقات
قراءة المزيد

منار 2

  منار لا تنتظرى أحدًا فالجميع لا يعطى لك إعتبار!                             منار لا تنظرى فى صفحة الماء وجهك الغض جثمت عليه السنون هتك براءته البنون. أطللت بوجهك على الماء؟! رويدًا...رويدًا يا فتاة ، أتقولين: لا ماء ولا حياء إذن لا حياة؟! ولا تركة ولا تكية يتصارعون عليها إلا: غصة فى الحلق ثورة كالزورة فى الحنجرة بغضاء فى القلب حقد وغضب فى النفس لا تطفئه قبلة  ولا صفعة! منار الوقت ذهب ولن تجدى وقفتك هذه رجل تتقدم والآخرى تتقهقر هذا ليس فعل النساء فالزرقاء مبصرة وخديجة حاضنة وعائشة فتاة والخنساء مضحية والزباء داهية ألا هبى يا ورقاء اصلبى عودك الفتان واختار ماشئت وددقى...وتدللى ولا تترفقى فكلنا فى الرغبة والحب سواء جئناك طوعًا... أو كرهًا نحن شببنا على هواك! ألا هبى وتناسى دورة الدماء نحن صور، أنت الأصل وخذى شهيقًا  واصرخى......
6 تعليقات
قراءة المزيد

تشب شاى

تقريبًا المدرسين بيروحوا المدرسة لحاجتين يشربوا شاى وياكلوا! تشب شاى أنا بقى من النوع اللى ما بيشربش شاى؛ ولى أسبابى: الأول: أنا اتعودت ع كدة لا اكل ولا اشرب طول ما انا برة البيت، الثانى: منظر الكوبايات اللى بيشربوا فيها مؤرف غاية القرف... يع.. يع فعلًا، الأخير: أنا لا أفضله كمشروب والحكاية مش مستاهلة أساسًا، واليوم خلص! تشب شاى تجد من يسمعها لك أينما ذهبت وحللت فى جميع أرجاء المدرسة، شئ مفروض. يااااه ما بتشربش شاى، ليه صايم.. بخيل.. ماما قالتلك ماتشربش حاجة من بره! تشب شاى أما انتوا عالم رخمة!
5 تعليقات
قراءة المزيد