التخطي إلى المحتوى الرئيسي

لا تذكر الفلانطاين بسوء

إن هي إلا أسماء سميتموها أنتم وآباؤكم!
  • يبدو أنه لم ينتبه أحد أنني لم أذكر الحب بمفهومه الفلانطايني، وذكرته بمفهومه الأشمل.
  • يعني أنا بحب ماما وبابا وأخواتي وكل عائلتي... والجيران والدنيا كلها!
  • لكن لا يوجد مانع أنني أدعو لحب الكره! وكما قلت من قبيل أنه يجب ألا يكون منبوذًا في عيد الحب!
  • الحب بمفهومه الفلانطايني مرتبط عندي نفسيًا وذهنيًا بالسهوكة وأنا بكره السهوكة كره العمي!
  • ممكن تحب الحتة من غير سهوكة ممكن؟ الأسطورة بتقول هذا مستحيل!
  • دائمًا يقابلني التعليق "طب يا أخويا هنشوفك هتعمل إيه" أقوم أرد "اللى عنده خشونة في الظهر لا يعرف الإنحناء"!
  • أو كما يقول رفعت إسماعيل* "أنا زهرة حائط"!
  • أغرب ما يكون أن يحب الإنسان، الكره يليق به أكثر! فالأسود دائمًا أكثر أناقة!
  • والأغرب أن يصر العربي على الحب، أي نفس معذبة تلك بل أي حقد هذا الذي يجعلك مصرًا أن تسلخ من نفسك أنفس أخرى تذيقها من نفس كأس عذابك!
  • أو كما يقول القباني "أنا عاجز عن عشق أية نملة... أوغيمة عن عشق أي حصاة مارست....." لا لا لم أمارس عبادات أخرى فأنا عندي خشونة!
  • أو دعنا من العجز، ولنسأل التساؤل الأشهر هل أنت "ابن بارم ديله"؟!... "عــنترة العبسـي… لا يتركنـا دقيقة واحدة… فـمرة، يـأكل من طعامنـا… ومـرة يشرب من شـرابنـا… ومرة يندس فـي فراشـنا… ومـرة يزورنـا مسـلحًا… ليقبَض الإيجـار عن بلادنـا المسـتأجره"*!
  • أو برضه كما يقول "أحمد أحمد صالح: بعضهم يوقن أن خلاصه في أن يحترق تمامًا ليُبعث كالعنقاء من رماده من جديد. ولكنه قد يغفل عن وضع تدابير لمجابهة التدخل من الغير، الذين ربما يأتي أحدهم وينفخ رماده ويذره في الهواء. وحينها يصبح البعث صعبًا، وربما مستحيلًا"!
ــــــــــــــــــــــــــــــــــــــــــــــــــــــــــــــــــــــــــــ
* بطل سلسلة "ما وراء الطبيعة لأحمد خالد توفيق"...
* نزار برضك...

تعليقات

  1. يا خبر!
    دا انا بقيت بيستشهدوا بيا! :D
    ..
    هو احنا لازم يا نحب يا نكره؟
    طيب ما هو ممكن جداً نبقى على الحياد!
    ..
    إللي أقدر أقولهولك إننا عمرنا ما هنفلح في موضوع الحب ده لو أجبرنا نعيشه زي ما هو متعاش في مجتمعنا، بسهوكته ودباديبه وكافيهاته وكورنيشه والحاجات دي، لأن إزاي واحد يعمل كدة وهو بيشوف إن أقصى لحظة رومانسية ممكن يقضيها مع أنثى هي إنهم ينكمشوا سوا على الكنبة وهما ماسكين كتاب كل واحد من بإيد وكل واحد فيهم يقرأ للتاني سطر من الكتاب!
    ..
    ملحوظة، بعد ما اخرج إمسح التعليق ده!

    ردحذف
  2. ههههههههههههه . طيب سؤال بعد اذنك .. اللي عنده برد في المعدة برضة لا يعرف الانحناء ولا ايه .. واعذرني .. لاني من الذين لا يعترفون بشيء اسمه الفالنتين دي . I'm not convinced Valentine .. فالحب الحقيقي من اي نوع لا يحتاج لعيد او مظاهر .. شكرا على تدويناتك الجميلة دائما

    ردحذف
  3. هههههههههههه ضحك السنين كله
    وكمان مستشهد بأخويا لالالالا كدة كتير اوووووي
    عجبتني التدوينة اووي
    بس وحياتك انت لو بتحب مكنتش قلت كدة
    عموما انا ماليش ف الفلاىنتين اصلا واكيد الحب عندي طول الوقت مش بيوم واحد بس والحب بمعناه الشامل مش حب شخص واحد محدد

    ردحذف

إرسال تعليق

انقدنى ولا تبالى!

المشاركات الشائعة من هذه المدونة

عود على بدء

 "بأسهم بينهم شديد تحسبهم جميعًا وقلوبهم شتى ذلك بأنهم قوم لا يعقلون" صد ق الله العظيم      "من أين يأتينا الفرح؟! ولوننا المفضّل السّواد! نفوسنا سواد..  عقولنا سواد..  داخلنا سواد .. حتّى البياض عندنا يميل إلى السواد!"  نزار قباني          شعار كل مرحلة منذ مينا موحد القطرين "الثقة العمياء".... أه احنا كدة وكيفنا كدة في حد له شوق في حاجة! الفرعون ليس مستبد فحسب، بل يتحكم في كافة الأمور ويعتبر شعبه ممتلكات غير عاقلة ولا يتوقع منها غير الخضوع! عودة نظرية "ده ميعرفش والنبي"! في ناس جعانة هيضرنا إيه لو بقى فيه ناس عطشانة! الفساد كثر جدًا... بس السيسي عسل قوي، شوف سقفولوه إزاي! من يصنع الوهم يكسب...  سلطة الوهم ترجو سقوط الإخوان، والإخوان تحلم بالاستيقاظ من الوهم... والشعب يميل  لصاحب الإيهام الأكبر! مجتمع الحباية بدءً من عباس حباية، انتهاءً ببايع الخضار اللي بيقول لزميله: هديك حباية بقى وياللا زرقة كمان! المستبدون العظام دائمًا عندهم رحابة صدر، والكتاب العظام قد يمدحون لكنهم يوجعون. اليوم العالمي للمرأة ليه ما فيش يوم عالمي

ملاحيظ جمع ملحوظة

الغريب إن كلمة أحا ، تجيبها يمين تجيبها شمال هى أحا! مصر تعنى الحد بيين شيئين ، الآن الحق و الباطل ليس من ضمنهما! الآن يقف المعلمون فى طابور الصباح ، والطلبة فى سباتهم يحلمون ويحتلمون! حامل البضان الملكية ، ومن لايحملهم! أسخف من مذيع أو سياسى! نحن نستهلك كل شئ ، حتى أولادنا نستورد الفياجرا لإنجابهم!

والنبى إيه... بالذمة!

فى ناس قمامير كدة لوحدهم، يبقى الباحث المحترم اللى بره قعد يجرب فى نظريته -فى المتوسط كدة- بتاع عشر سنيين قوم ييجى واحد فذلوك عايز ينقد النظرية.. قوم ينقدها نظرى ولو طبقها لن تتاح له الامكانات ولا الظروف اللى الباحث الأجنبى ده تعب قلبه وضيع عمره فيها...... ياه الناس دى أساطير فعلًا بروح مهماهاتهم الطيبة عايزين يمحوا تعب عشر سنين فى حين إنهم لسه فى زمن paste و copy! بص يا سيدى بقى احنا هنا، اللى باباه سباك بيطلع سبالك... واللى باباه طبيب بيطلع طبيب... واللى باباه دكتور بيطلع دكتور... واللى باباه مستشار بيطلع مستشار.... واللى باباه ناشط سياسى... بيطلع ناشط سياسى..... هى دى بقى ياسيدى الطبقة المتوسطة العليا والطبقى العليا... طب بالله عليك.. بالله عليك عايزنا بعد الجمود ده نتغير بأمارة إيه طيب؟!