التخطي إلى المحتوى الرئيسي

إنسان11



  • المنطق فى مجتمع جائع، يتمثل فى فتة العدس... هه مع البصل؟ أه مع البصل!
  • كل شئ فى هذه الحياة قابل للأخذ والرد، قابل للتأويل حتى الحياة والموت!
  • الرجال هؤلاء جنس لعين... يفتنهم المال والنساء والأولاد والبعير، فاضل إيه فى الدنيا كدة ده إنتم عالم مريلة ياساتر!
  • الماضى قد تستوعبه، والمستقبل قد تستنبأه... أما الحاضر هذه اللحظة الراهنة بنت الكلب ماذا تفعل فيها؟!
  • الغباء وما أدراك ما الغباء!
  • من الأكثر صبرًا السلطة أم الشعب؟!
  • ترك المخطأ بدون عقاب أوردنا المهالك. السؤال إذًا يطرح نفسه من يحاسب من؟! من الواضح إننا متواطئون بشكل أو بآخر!
  • كله هيتحسب بالورقة والقلم، هل يمكن أن يقبل النظام العالمى انتهاج أساليب قديمة فى مصر؟ نعم يمكن، بشار مازال متواجدًا.. المصالح تتكلم!
  • جزمة كل شهيد أشرف من تاج آل سعود! والله أنا ما قلت حاجة "عبد الناصر" اللى قال، اللى بيشبهوا "السيسى" به... اللى سعودية بتدعموا... مش فاهم، خليك فى فتة العدس أحسن!
  • وجهة نظر تحترم "المعرى" موت يسيرٌ معه رحمةٌ.. خير من اليسر وطول البقاء - وقد بلونا العيش أطواره.. فما وجدنا فيه غير الشقاء!
  • هذا ويحضرنى مثل لطيف "الخرق اتسع على الراتق"!
  • التفويض علينا حق من أول مشير موحد للقطرين، إلى المشير صاحب الساعة الأوميجا!

تعليقات

  1. ههههههههههـ.. يخربيتك يا بنى .. الله ينور يا فاروق :)

    ردحذف

إرسال تعليق

انقدنى ولا تبالى!

المشاركات الشائعة من هذه المدونة

عود على بدء

 "بأسهم بينهم شديد تحسبهم جميعًا وقلوبهم شتى ذلك بأنهم قوم لا يعقلون" صد ق الله العظيم      "من أين يأتينا الفرح؟! ولوننا المفضّل السّواد! نفوسنا سواد..  عقولنا سواد..  داخلنا سواد .. حتّى البياض عندنا يميل إلى السواد!"  نزار قباني          شعار كل مرحلة منذ مينا موحد القطرين "الثقة العمياء".... أه احنا كدة وكيفنا كدة في حد له شوق في حاجة! الفرعون ليس مستبد فحسب، بل يتحكم في كافة الأمور ويعتبر شعبه ممتلكات غير عاقلة ولا يتوقع منها غير الخضوع! عودة نظرية "ده ميعرفش والنبي"! في ناس جعانة هيضرنا إيه لو بقى فيه ناس عطشانة! الفساد كثر جدًا... بس السيسي عسل قوي، شوف سقفولوه إزاي! من يصنع الوهم يكسب...  سلطة الوهم ترجو سقوط الإخوان، والإخوان تحلم بالاستيقاظ من الوهم... والشعب يميل  لصاحب الإيهام الأكبر! مجتمع الحباية بدءً من عباس حباية، انتهاءً ببايع الخضار اللي بيقول لزميله: هديك حباية بقى وياللا زرقة كمان! المستبدون العظام دائمًا عندهم رحابة صدر، والكتاب العظام قد يمدحون لكنهم يوجعون. اليوم العالمي للمرأة ليه ما فيش يوم عالمي

ملاحيظ جمع ملحوظة

الغريب إن كلمة أحا ، تجيبها يمين تجيبها شمال هى أحا! مصر تعنى الحد بيين شيئين ، الآن الحق و الباطل ليس من ضمنهما! الآن يقف المعلمون فى طابور الصباح ، والطلبة فى سباتهم يحلمون ويحتلمون! حامل البضان الملكية ، ومن لايحملهم! أسخف من مذيع أو سياسى! نحن نستهلك كل شئ ، حتى أولادنا نستورد الفياجرا لإنجابهم!

والنبى إيه... بالذمة!

فى ناس قمامير كدة لوحدهم، يبقى الباحث المحترم اللى بره قعد يجرب فى نظريته -فى المتوسط كدة- بتاع عشر سنيين قوم ييجى واحد فذلوك عايز ينقد النظرية.. قوم ينقدها نظرى ولو طبقها لن تتاح له الامكانات ولا الظروف اللى الباحث الأجنبى ده تعب قلبه وضيع عمره فيها...... ياه الناس دى أساطير فعلًا بروح مهماهاتهم الطيبة عايزين يمحوا تعب عشر سنين فى حين إنهم لسه فى زمن paste و copy! بص يا سيدى بقى احنا هنا، اللى باباه سباك بيطلع سبالك... واللى باباه طبيب بيطلع طبيب... واللى باباه دكتور بيطلع دكتور... واللى باباه مستشار بيطلع مستشار.... واللى باباه ناشط سياسى... بيطلع ناشط سياسى..... هى دى بقى ياسيدى الطبقة المتوسطة العليا والطبقى العليا... طب بالله عليك.. بالله عليك عايزنا بعد الجمود ده نتغير بأمارة إيه طيب؟!