التخطي إلى المحتوى الرئيسي

يا رفاق

حصاد عام ميلادى، ونصف عام تدوينى!

عام ميلادى جديد سعيد رهيب مخيف عجيب... إلخ

  • طبعًا أنا من الناس اللى على المستوى الشخصى مملة جدًا، فلا فرق بين سنة 2013 و14 بالنسبة لى... قلت هذا سابقًا فى بدء السنة الهجرية!
  • بداية سنة 14 على المستوى العام مشحونة شحن... خد عندك يا سيدى الحد الأدنى والأقصى فى يناير، مرتبات المعلمين الجديدة فى يناير (1300 جنيه، ياه كان نفسى أصيف فى سويسرا)، تثبيت المتعاقدين فى يناير، تعيين أوائل الخريجين فى يناير، استفتاء ع الكستور فى يناير، الذكرى الثالثة للمؤامرة الماسونية على مصر 25 يناير (ده عشان الرقيب بس)، الذكرى الواحدة والستين لرجال واجهو الاستعمار فى لقطة ما ويبدو أن الطمع غلب فطرتهم بعد ذلك!
  • سنة 13 دى أقدر أقول عليها سنة بكيسة قووووى، تلقيت فيها خيبات سياسية لم أكن متخيلًا أنها ستحدث بهذا الغباء الممنهج!
  • سنة وراء سنة... أدركت أن هذا الشعب العظيم لا يستطيع أن يصرف أموره إلا بأكثر الطرق إلتواءًا!

نصف عام تدوينى، بوم بوم.... طق طق... فوووووق

  • هناك سنة ميلادية وسنة هجرية وسنة صينية وسنة تدوينية أيضًا!
  • السنة التدوينية تبدأ من شهر 7 وتنتهى فى شهر سبعة، هذا يذكرنى بالسنة المالية المصرية الكبيسة!
  • نصف عام من التدوين جعلتنى أستطيع الكتابة فى أى وقت أشاء، جعلتنى مهووسًا -هذا لا ينقصنى حقيقة- بالإلتزام اليومى بالتدوين!
  • بهذه المناسبة مازلت أذكر كيف تقبلت الفكرة، كان عقلى يضحك ونفسى مثارة ويدى تكتب شعرًا لم أكتبه منذ ستة أشهر!
  • حقًا الإلتزام شئ مرهق!
  • غالبًا أستغرق ساعة أو أكثر أحيانًا فى أى تدوينة محترمة أنا بكتبها، لا تتعجبون!
  • تعرفت على أناس أكثر من عدد أصدقائى فى الحقيقة، والذى لا يتجاوز أول صوباع من صوابع إيديك!
  • أنتم أيها الرفاق المدونيين الافتراضيين أقرأ لكم، وأشعر أننى أنظر لنفسى فى المرآة. تفكيرنا لطعة واحدة!
  • مازلنا نقرأ لأنفسنا فقط وهذا شئ حسن أن هناك من يقرأ لك أساسًا!
  • لا أقرأ أى تدوينة طويلة، أو أقرأها وأنا مش مركز. أفضل دائمًا التدوينات الصغيرة التى تحمل معانى كبيرة، كالتى تقرأها الآن!
  • يا جماعة كبروا الخط شوية والله ما بشوف، أنا خريج تربية!
  • أدخل إحصائات الدول فى مدونتى فأشعر بالهبل، فإحصاءات جوجل تشير أن هناك صينى وروسى واسرائيلى دخلوا مدونتى.... ومواقع الإحالة عجيبة جدًا، فى حد ذكى ممكن يستخدم موقع ياندكس مثلًا!
  • ختامًا أنتظر من جوجل تحسين خدمة الإحصاء ودعم اللغة العربية بخطوطها وتطوير فى خدمة البلوجنج بشكل عام.
  • سؤال للبنى..... هو مافيش أجازة نص السنة؟!

تعليقات

  1. رائعة جداا التدوينة يا استاذ فاروق :))

    نصف عام تدويني.. سبحان الله .. كيف مر الوقت بهذه السرعة؟؟؟

    أظن تدوينتي الاخيرة في سنة 2013 ستكون من وحي تدوينتك
    كن بخير :))

    ردحذف
    الردود
    1. http://365-posts-51.blogspot.com/2013/12/blog-post_31.html
      هاهي.. وشكرااااااااا جداااااا

      حذف
  2. أول تدوينة أقرأها ليك يافاروق وأضحك بسببها وأحس بالسرور .. ربما فيما يتعلق بجزء السنة التدوينية فقط :D ... أغبطك إنك كتبت بشكل يومي وما وقعتش زي حالاتي كده :/ .. أما عن فكرة إننا بنقرأ لبعض بس فدي مش صحيحة أنا فيه ناس من أصدقائي بيقرأوا لي واحنا بس محتاجين شوية دعاية لنفسنا ودي محتاجة تفكير بقى .. أول ما أوصل لطريقة هاقولك بقى عشان توسع دائرة القراء بتوعك يا فندم .. وأخيراً كل سنة وإنت طيب :))

    ردحذف
    الردود
    1. لا ما انت بقى لو رجعت للتدوينات الأولنية هتضحكى أه وربنا وهتتتفائلى آخر تفاؤل تخيلى!

      حذف
  3. جميلة التدوينة
    وآه طبعًا فيه أجازة نص سنة
    واحتفالا بالأجازة هندوِّن :D

    ردحذف
    الردود
    1. على فكرة
      ممكن تستخدم الخدمة دي لإحصائيات أفضل وأدق
      http://www.google.com/analytics/

      حذف
  4. فاروق أنت من المواضبين على التدوين اليومي، ولم تتكاسل يوما قط. أحييك.
    بالتوفيق

    ردحذف
  5. هههههه . تقصد تقول هو كله تدوين تدوين مفيش اجازة ولا ايه ؟ ومن هذا المنطلق احب ان اقول لك يا صديقي .. التدوين والكتابة مثل الاكل والشرب والسهر والشاي والسجاير وكدة يعني ..

    ردحذف
  6. ههههههههههههههه
    تجنن تجنن تجنن
    والله بجد التدوينة الاكثلا اشراقا قرأتها الي الان
    انا في نصف العام التدويني للأسف لم ادون سوي 55 تدوينة تقريبا " فاشلة انا "
    بس اعمل اية مشاكل وانشغال ومرض وكدة يعني
    بس عايزة اسألك ف حاجة مهم هو صحيح هثيتوا المتعاقدين وهيكون مرتبنا 1300 جنية :)
    انا لية مش مصدقاك ف الحتة دي
    هههه مدونتك من المدونات الي اتعرفت عليها ف 2013 وحبيتها جداااا
    ةوبحاول اني استمر واقرا فيها واكمل الحوليات معاكم ادعوا لي

    ردحذف

إرسال تعليق

انقدنى ولا تبالى!

المشاركات الشائعة من هذه المدونة

عود على بدء

 "بأسهم بينهم شديد تحسبهم جميعًا وقلوبهم شتى ذلك بأنهم قوم لا يعقلون" صد ق الله العظيم      "من أين يأتينا الفرح؟! ولوننا المفضّل السّواد! نفوسنا سواد..  عقولنا سواد..  داخلنا سواد .. حتّى البياض عندنا يميل إلى السواد!"  نزار قباني          شعار كل مرحلة منذ مينا موحد القطرين "الثقة العمياء".... أه احنا كدة وكيفنا كدة في حد له شوق في حاجة! الفرعون ليس مستبد فحسب، بل يتحكم في كافة الأمور ويعتبر شعبه ممتلكات غير عاقلة ولا يتوقع منها غير الخضوع! عودة نظرية "ده ميعرفش والنبي"! في ناس جعانة هيضرنا إيه لو بقى فيه ناس عطشانة! الفساد كثر جدًا... بس السيسي عسل قوي، شوف سقفولوه إزاي! من يصنع الوهم يكسب...  سلطة الوهم ترجو سقوط الإخوان، والإخوان تحلم بالاستيقاظ من الوهم... والشعب يميل  لصاحب الإيهام الأكبر! مجتمع الحباية بدءً من عباس حباية، انتهاءً ببايع الخضار اللي بيقول لزميله: هديك حباية بقى وياللا زرقة كمان! المستبدون العظام دائمًا عندهم رحابة صدر، والكتاب العظام قد يمدحون لكنهم يوجعون. اليوم العالمي للمرأة ليه ما فيش يوم عالمي

ملاحيظ جمع ملحوظة

الغريب إن كلمة أحا ، تجيبها يمين تجيبها شمال هى أحا! مصر تعنى الحد بيين شيئين ، الآن الحق و الباطل ليس من ضمنهما! الآن يقف المعلمون فى طابور الصباح ، والطلبة فى سباتهم يحلمون ويحتلمون! حامل البضان الملكية ، ومن لايحملهم! أسخف من مذيع أو سياسى! نحن نستهلك كل شئ ، حتى أولادنا نستورد الفياجرا لإنجابهم!

والنبى إيه... بالذمة!

فى ناس قمامير كدة لوحدهم، يبقى الباحث المحترم اللى بره قعد يجرب فى نظريته -فى المتوسط كدة- بتاع عشر سنيين قوم ييجى واحد فذلوك عايز ينقد النظرية.. قوم ينقدها نظرى ولو طبقها لن تتاح له الامكانات ولا الظروف اللى الباحث الأجنبى ده تعب قلبه وضيع عمره فيها...... ياه الناس دى أساطير فعلًا بروح مهماهاتهم الطيبة عايزين يمحوا تعب عشر سنين فى حين إنهم لسه فى زمن paste و copy! بص يا سيدى بقى احنا هنا، اللى باباه سباك بيطلع سبالك... واللى باباه طبيب بيطلع طبيب... واللى باباه دكتور بيطلع دكتور... واللى باباه مستشار بيطلع مستشار.... واللى باباه ناشط سياسى... بيطلع ناشط سياسى..... هى دى بقى ياسيدى الطبقة المتوسطة العليا والطبقى العليا... طب بالله عليك.. بالله عليك عايزنا بعد الجمود ده نتغير بأمارة إيه طيب؟!